الفرق بين الام الهاي والهظيك

هذه المقارنة نبين لكم كيف توصي الأم الهاي فاي ولدها قبل الذهاب الى المدرسة وبالمقابل شوفو الأم الهظيك شو بتقول لأبنها

الأم الهاي: لا تنسى مامي تاكل الكورواسو في البريك

الأم الهظيك: يمه... صندويشة الزعتر بالكيس اوعه يلطشوها منك

الأم الهاي: خليك عالرسيف لبين ما ييجي الباس واوعا من هدول اللي بيشحتو

الأم الهظيك: بتروح عالمدرسة دوز دوغري ويا ويلك اذا بعرف انك شلفت اليوم

هاي: زي ما وسيتك ابعد عن الشلة النوتي اللي بتاكل السندويتش تبعك

هظيك: أوعى الاقيك ظارب الولاد زي امبارح هي معك شلن اشتري اللي بدك اياه وبلاش تاكل صندويشات صحابك غصبة عنهم

هاي: مامي دونت فورغيت لما ترجع ما رح تلاقيني في البيت عندي جيم متأخر اليوم خلي الشغالة تسخنلك البرغر

هظيك: بترجع من المدرسة عالدار على طول وبلاش صرمحة بالشوارع تراني عاملتلك صحن مجدرة من الآخر

هاي: على فكرة المس كتير زعلانه منك وبعتتلي مسج انك صاير نوتي في الصف

هظيك: ولا... ابوك بقول انه الاساتذة بشدوا شعرهم منك.. دير بالك وبلاش تزعلهم ما اسمهم الا بني آدمين زينا

هاي: مامي لما تروح لا تقتع الشارع واستنى بابي لما يوصل

هظيك: لما تقطع الشوارع لا تمشي زي الملطوش مش ناقصين مصايب بيكفي السنة الماظية اندعست عشر مرات

هاي: على فكرة انا كتير كتير upset منك قالوالي شافوا بالهاند باغ تبعك سجاير

هظيك: قال بتحمل موس بشنطتك يا واطي... ولك خليك عالشفرة وهيها مستورة

هاي: قول لسحابك ميمي وتوتو ييجوا على عيد ميلاد اختك نانا

هظيك: قول لصحابك عمر واسماعين ييجوا يتضلغصوا عنا بكرة حرام امهم ما بتعرف تعمل كرشات زينا

هاي: مامي خليك كلاس مع المس تبعك ولو دليت هيك بجبلك موبايل جديد

هظيك: اذا رجع هاظا الاستاذ وظربك بالعصاي لا تحكي معه واتركني اروح اتفاهم معه هو مفكرنا لاقينك بالشارع

هاي: كتبت شيك لاستاز اللانجلش والعربي والرياده وخليته مع الشغاله لما ييجوا اعتيهم اياه... اففففف تاخرت عالجوكينغ عاجبك هيك هلأ سوسو بتدايأ

هظيك: الاستاذ اللي قالكو انه ممكن يعطيكوا دروس خصوصي قول له روح لاقي امي بكرة بالوزارة يا شاطر

هههههههههههههههههههههههههههههههه
حبيبى جنرال لاتنسى ترد على مرورى واوعك مجروح يدحك عليك
حبيبى يا كبير تحياتى الك

ولو انا بقدر ما ارد
مشكووووووووور ابو العز على احلى مرور
تحياتي حب لللللل

» الام الحياة في صور.....
» الام كلمات وبطاقات
» الفرق بينفايروس التورجلن و الدودة
» الفرق بين صداقة المراة وصداقة الرجل
» شوفو الفرق بين جوال البنت وجوال الشب