اضحك حوار بين عائلة فلسطينية

الأب مخاطب الابن : تعال وَلَه

الابن و بكل براءة : نعم

الأب :نعامة ترفصك ... تعال وله

الابن : ليش شو سويت؟

الأب : سواك ضريب يخلع رقبتك

الابن : شو فيه؟

الام : شاوي يشوي عضمك ....رد على ابوك بأدب وله

الابن : هوه انا حكيت اشي؟

الأب:حكحكوا جنابك بالعصايه اوقف عدل يا حيوان

الابن : حاضر

الأم :يحضروا على قبرك انشالله .... لما ابوك يحكي انت بتخرس

الابن :أخرس؟

الأب : ايوه ان شالله خرْسِه

الابن: ماشي

الأم: أجاك مشش بركبك ما تقوم منه انشالله

الابن :مشش ؟؟؟ شو هاذا المشش؟؟

الأب: اما إنك قليل حيا ....وبترد على امك كمان ؟ هات العصاي وتعال وله

الابن: انا رديت على امي؟ يمّـه احكي كلمه

الأم: مَوَا يمزع نيـعـك وله ....حكيتلك اخرس

الابن الان اصبح مغلوب على امره ومش فاهم ايش الموضوع وصمت

الأب: أما جيل قليل حيا...احكي وله ... مالك انخرست

الابن : شو احكي؟ اذا حكيت بتقولوا عني قليل حيا وبتشوفوني غلط

الام :حيه الي تقرصك انشالله ... قلتلك تأدب وانت بتحكي مع ابوك

الأب : ايش "بتشوفوني غلط" هاي ... شايفنا عميان ولا حول ؟

الابن : لا اله الا الله

الأم : الله يوخذك انشالله ..... الأب: انا مش عارف هاذا الولد وينتا بده يصير زلمه...دايما فاظحني بين الرجال

الابن: طيب شو اعمل عشان تشوفني زلمه ؟

الأب: قلتلك اخرس وله

الابن: يا الله ... يا الله ... يا جماعه شو مالكوا ... شو فيه ؟

الأم: آه صحيح انت ليش ناديت عالولد يا زلمه ؟

الأب :بتصدقي يا مره اني نسيت..... نسّاني شو كنت بدي منه هالكلب

الاب : خلص روح ارجع على غرفتك يا حيوان

ههههههههه مو يسلمو اديك ع الموضوع

هات العصاي ولك

هههههههههههههههههههههه
الله يعينو الولد كلها براسوووو
مشكور حبيبي ابو العز
تحياتي يا مان

ههههههههههههههه
اوكى يحيى مو مشكور بلاش
بس مش جايب العصاى
مشكور على مرورك بدى اكون احسن منك

حبيبى يا ميجر تسلم
مشكور على مرورك
نورت الموضوع

» صور فلسطينية من الاخر
» اضحك ببلاش
» اضحك من قلبك
» ادخل و اضحك على حالك
» حوار بين نسوان ميتات